MƏDƏNİYYƏT

Prezidentin mədəniyyət nazirinin müavini təyin etdiyi şəxs kimdir? – DOSYE

Bu gün Prezident İlham Əliyev Fərid Cəfərovu Azərbaycan mədəniyyət nazirinin müavini təyin edib.

Fərid Cəfərov 1982-ci il iyunun 6-da Mingəçevir şəhərində anadan olub.

O, 1999-cu ildə orta məktəbi bitirib, Bakı Dövlət Universitetinin Beynəlxalq hüquq və beynəlxalq münasibətlər fakültəsinə (beynəlxalq hüquq ixtisası üzrə) daxil olub.

2003-cü ildə bakalavr təhsilini yekunlaşdırıb. 2005-2007-ci illərdə Bakı Dövlət Universitetinin Beynəlxalq hüquq və beynəlxalq münasibətlər fakültəsində (“beynəlxalq hüquq” ixtisası üzrə) magistr pilləsi üzrə təhsil alıb.

2006-cı il oktyabr ayında Xarici İşlər Nazirliyinin Beynəlxalq hüquq və müqavilələr idarəsinin referenti vəzifəsinə təyin olunub.

2007-ci ildə Xarici İşlər Nazirliyinə işə qəbul ilə əlaqədar keçirilmiş test imtahanlarından müvəffəqiyyətlə keçərək, Azərbaycan Diplomatik Akademiyasında kurslarda iştirak edib.

2008-ci ilin yanvar ayında XİN-in attaşesi, eyni ilin oktyabr ayında isə AR-in BMT yanında Daimi Nümayəndəliyinin (Nyu-York şəhəri) attaşesi vəzifəsinə təyin olunub.

2014-cü ilin yanvar ayında Xarici İşlər Nazirliyinin Beynəlxalq hüquq və müqavilələr idarəsinin II katibi vəzifəsinə təyin olunub.

2014-cü ilin oktyabr ayında Heydər Əliyev Mərkəzinin Humanitar və sosial layihələr departamentinin aparıcı mütəxəssisi, 2016-cı ilin iyun ayında isə baş mütəxəssisi vəzifəsinə təyin olunub.

2017-ci ilin yanvar ayında Azərbaycan Respublikasının Nəqliyyat, Rabitə və Yüksək Texnologiyalar Nazirliyinin Beynəlxalq əməkdaşlıq şöbəsinin müdiri vəzifəsinə təyin olunub.

13 mart-2018-ci ildə Azərbaycan Respublikasının Gənclər Fondunun icraçı direktoru təyin olunub.

Oxşar xəbərlər:

Up Next

Mehriban Ələkbərzadə Akademik Milli Dram Teatrına bədii rəhbəri təyin edilib

Don't Miss

Prezident mədəniyyət nazirinin müavinləri ilə bağlı fərman imzalayıb

Burada şərh yaz

MANŞET

Əzim Əzimzadə – 144

Bu gün Xalq rəssamı Əzim Əzimzadənin anadan olmasının 144 ili tamam olur.

Əzim Əzimzadə 1880-ci il mayın 7-də Bakıda anadan olub. O, Azərbaycan Rəssamlıq Texnikumunda çalışıb. Rəssamlığa “Molla Nəsrəddin” jurnalında öz əsərlərini dərc etdirməklə başlayıb. “Molla Nəsrəddin”, “Baraban”, “Zənbur”, “Tuti” və s. jurnalların səhifələrində satirik qrafik karikaturalarını nəşr etdirməklə Azərbaycan satirik qrafikasının, Mirzə Ələkbər Sabirin “Hophopnamə”sinə çəkdiyi illüstrasiyalarla isə kitab qrafikası sənətinin əsasını qoyub. O, teatrlara geyim eskizləri və dekorasiyalar çəkib, Azərbaycanın ilk Xalq rəssamı olub. Əsərləri dünyanın bir sıra muzeylərində nümayiş etdirilib.

Əzim Əzimzadə 1943-cü ildə vəfat edib. İncəsənət Kolleci və Bakı küçələrindən birinə onun adı verilib. Yaşadığı evdə rəssamın Ev-Muzeyi açılıb, evin yaxınlılığındakı bağda büstü qoyulub.

Davamına bax

MƏDƏNİYYƏT

“Azərbaycan xalqının xəzinəsi – Heydər Əliyev ” adlı şeir və mahnı müsabiqəsi keçirilib – FOTO

06.05.2024-cü il tarixində Zaqatala rayon Heydər Əliyev Mərkəzinin təşkilatçılığı ilə ümummilli lider Heydər Əliyevin anadan olmasının 101-ci ildönümü münasibəti ilə ümumtəhsil məktəbləri arasında “Azərbaycan xalqının xəzinəsi – Heydər Əliyev ” adlı şeir və mahnı müsabiqəsi keçirilib.

Rayonun 66 təhsil ocağının təmsilçilərinin iştirak etdiyi müsabiqədə ümummilli lider Heydər Əliyevə həsr edilən şeirlər və mahnılar səsləndirilib.

Qaliblər 10 may tarixində Heydər Əliyev Mərkəzinim sosial media səhifələrində elan ediləcək.

Davamına bax

MƏDƏNİYYƏT

Animator-rəssam Mehriban Əliyevanın təqdimat mərasimi keçirilib

03.05.2024-cü il tarixində Qax rayon Heydər Əliyev Mərkəzində Mədəniyyət Nazirliyi tərəfindən həyata keçirilən “Yaradıcı müzakirələr” layihəsi çərçivəsində “Animaevka – 2023” XXVI Beynəlxalq Animasiya Film Festivalında “Ən yaxşı animasiya rəssamı” nominasiyasında qalib olmuş şəkili gənc, animator-rəssam Mehriban Əliyevanın təqdimat mərasimi keçirilib.

Təqdimat mərasimində gənc rejissor Yusif Mustafayevin studio işləri təqdim edilib, həmçinin “Baxış”qrupunun yaradıcısı, gənc motivator Ərtur Baxışın “Gənc yaşda lider olmaq” mövzusunda həmyaşıdları ilə fikir mübadiləsi həyata keçirilib.

Qeyd etmək lazımdır ki, layihə yaradıcı şəxslərin formalaşmasının dəstəklənməsinə yönəlib.